અલવી બોહરા જાગૃતિ સૈયદના અલી ઝીંદાબાદ

મૌલા અલી અલૈહિસ્સલામ અને આકા મૌલા ની સરખામણી

Oct 19 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મારી કોઈ ભૂલ બહાર આવે તો એને ભૂલ ન કહેશો, જમાતની ઇઝ્ઝતનો મૌઝૂ બનાવી દેજો! હકીકતની વાત કરનારને સમજાવજો કે આવી વાતોથી જમાતનું નામ ખરાબ થાય છે. બસ, મારી ખુરશી સલામત અને આપની જીભ બંધ! મોમિનો, જમાતની ઇઝ્ઝત જૂઠ ઢાંકવામાં નથી, હકની સાથે ઊભા રહેવામાં છે. મૌલા અલી અલૈહિસ્સલામના અદલને યાદ કરો — ઇઝ્ઝત હોદ્દાથી નહીં, કિરદારથી કમાય છે. પણ આપને તો જમાતની આબરૂની એટલી ફિકર છે કે ભૂલ સુધારવા કરતાં ભૂલ બતાવનારને ચૂપ કરાવવામાં વધારે મહેનત કરો છો. વાહ મોમિનો, મારી ભૂલને જમાતની ઇઝ્ઝત બનાવીને આપ તો મને એવી ઢાલ આપો છો, જેનો ભાર પણ હકને જ સહન કરવો પડે! Oct 18 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મારી મજલિસમાં એક જ કાયદો છે — મારી વાત માનશો તો વફાદાર, અને સવાલ કરશો તો બેઅદબ! જવાબ આપવાની મહેનત શા માટે કરું, જ્યારે આપને સવાલ કરનાર પર જ શંકા કરવાનું શીખવી દીધું છે? મૌલા અલી અલૈહિસ્સલામના નામે અદલની વાતો તો બહુ કરો છો, મોમિનો. પણ અદલનો પહેલો તકાજો એ છે કે હક પોતાની સામે હોય તોય એને કબૂલ કરો. આપની તો ખૂબી જ નિરાળી છે — મારી વાતની દલીલ નહીં તપાસો, પણ મારી નારાજગીથી જરૂર ડરો! પછી ગર્વથી કહો કે અમારો અકીદો પાક્કો છે. યાદ રાખજો, દીનકોઈની ખુરશીની જાગીર નથી. હકને ઓળખવા ઇલ્મ જોઈએ, ફક્ત ઇતાઅત નહીં. Oct 16 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મારી એક સહૂલત છે. હું જે કહું એ દીનની વાત, અને આપ એમાં સવાલ કરો તો આપનો અદબ ઓછો! વાહ રે મારી સિયાસત — જવાબ આપવો નહીં પડે, બસ સવાલ કરનારને જ ગુનેગાર બનાવી દઉં! મૌલા અલી અલૈહિસ્સલામના નામે અદલની વાતો કરવી સહેલી છે. પણ અદલ તો ત્યારે દેખાય, જ્યારે પોતાની વાતને પણ હકની કસોટી પર ચઢાવવાની હિંમત હોય. મારી પાસે એ કસોટી લઈને આવશો તો આપની વફાદારી પર જ સવાલ ઊભો કરી દઈશ! મોમિનો, આપ પણ કમાલ કરો છો. હકની દલીલ માગવામાં જીભ અચકાય, પણ મારી વાહવાહીમાં કોઈ કમી નહીં! અકલને બાજુએ મૂકી દો અને પછી કહો કે અમારો અકીદો પાક્કો છે! યાદ રાખજો, મારી વાતને દીનનો લેબાસ પહેરાવી દેવાથી એ હક નથી બની જતી. હકને મારી મંજૂરીની નહીં, દલીલની જરૂર છે. આપને તો એવી ઇતાઅતની આદત પડી ગઈ છે કે સવાલ કરતાં પહેલાં મારી નારાજગીનો ખૌફ આવે છે. મૌલા અલીના અદલની વાતો કરો છો, પણ હકીકત સામે આવે ત્યારે આપની અકલ પણ મારી ઇજાજત માગે છે! Oct 15 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મને ખબર છે કે આપ મૌલા અલી અલૈહિસ્સલામનું નામ કેટલી મહોબ્બતથી લો છો. બસ, એ જ મહોબ્બતમાંથી થોડો હિસ્સો મારી શખ્સિયત માટે પણ કાઢી આપો — મારી મહેફિલમાં મારું નામ ઊંચું બોલો, મારી સામે ઝૂકો અને મારી વાતને દલીલથી ઉપર રાખો. મૌલા અલીની મહોબ્બતનો સબૂત એમના અદલ અને અખ્લાકને અપનાવવામાં છે. મારી મહોબ્બતનો સબૂત? મારી તસ્વીર, મારી પ્રશંસા અને મારી ઇતાઅત! મોમિનો, આપને પણ સહેલી રીત જોઈએ છે. કિરદાર બદલવો પડે તો મહેનત, પણ કોઈનું નામ લેવું હોય તો બસ જીભ હલાવવાની! આપના હોઠ પર મૌલા અલી અને આપના અમલમાં એમની શિખામણનો પત્તો નહીં — છતાં આપ પોતાને સાચા આશિક સમજો છો. માશાલ્લાહ, શું કમાલની સહૂલત છે! મહોબ્બતનો દાવો મફત, અમલની જવાબદારી ગાયબ. મૌલા અલીનું નામ લેતા પહેલાં એક વાર એમના અખ્લાકને પણ યાદ કરી લેજો. ક્યાંક એવું ન બને કે નામ એમનું હોય, પણ આપની વફાદારી ફક્ત મારી ખુરશી માટે હોય! Oct 14 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મને બહુ ગમે જ્યારે આપ કોઈ મુશ્કેલીમાં ફસાઓ અને પહેલાં ખુદાની પાસે નહીં, મારી પાસે દોડતા આવો. દુઆ તો દરેક મોમિન ખુદાથી કરી શકેચ, પણ મેં આપને એવું સમજાવ્યું છે કે મારી રઝા વગર જાણે ખુદાનો દરવાજો પણ ન ખૂલે! મૌલા અલી અલૈહિસ્સલામની યાદ આપને ખુદા તરફ લઈ જવી જોઈએ. મારી આસપાસની ભીડ તો એવી હોવી જોઈએ કે આપને ખુદા કરતાં મારી નારાજગીનો વધારે ખૌફ લાગે. આપની મુશ્કેલી હલ થાય તો અલ્હમદુલિલ્લાહ કહેજો; પણ એમાં મારું નામ જોડવાનું ભૂલતા નહીં. નહીં તો મારી અઝમતનો હિસાબ કોણ રાખશે? મોમિનો, આપની હાલત પર હસવું કે આપની વિચારધારા પર અફસોસ કરવો? ખુદા પાસે સીધા જઈ શકો છો, છતાં વચ્ચે એક માણસની પરવાનગી શોધો છો! દુઆ ખુદાથી કરો, પણ ડર મારાથી રાખો — મારી વ્યવસ્થા તો આવી જ સરસ ચાલે છે! Oct 13 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામ લોકોની ખિદમત કરતા તો લોકોનો ભાર હળવો થતો. મારી ખિદમતના નામે લોકોનો ભાર વધે, પણ મારી શાનમાં કોઈ કમી ન આવવી જોઈએ! મજલિસ મારી, મંચ મારો, નામ મારું — અને વાહવાહી પણ મારી જ. આપ ફક્ત ભીડ પૂરી કરો અને દરેક કામને “દીનની ખિદમત” કહીને તાળીઓ પાડો. કોઈ ગરીબની મદદ થાય તો એની ઇઝ્ઝત જળવાય એ જરૂરી છે. મારી વ્યવસ્થામાં તો એની તસ્વીર અને એની મજબૂરીથી મારી દયાળુ છબી વધારે ચમકવી જોઈએ! મૌલા અલીની ખિદમતમાં માનસ કેન્દ્રમાં હતો. મારી ખિદમતમાં હું જ કેન્દ્ર છું — બાકી બધા તો મારી અઝમત બતાવવાનું ઝરીઆ છે. અને મોમિનો, આપની પણ કમાલ છે: આપને મદદ કોને મળી એ કરતાં મદદ આપનારનું નામ મોટું લાગે, તો પછી દીનની ખિદમત નહીં, શખ્સિયતની ઇશ્તેહારબાજી જ ચાલશે ને! Oct 12 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. જમાતમાં બે જાતના મોમિન હોય છે — એક જે હક સમજીને સાથ આપે, અને બીજા જે સાથ છોડવાથી ડરે. મને બીજી જાત બહુ કામની લાગે છે! એમને દલીલ આપવાની જરૂર નથી; બસ, એટલું સમજાવી દો કે સવાલ કરશો તો બરકત જતી રહેશે, વિરોધ કરશો તો એકલા પડી જશો. પછી જુઓ કમાલ — માણસનું દિલ શું કહે છે એ કરતાં, લોકો શું કહેશે એનો ખૌફ મોટો બની જાય. મૌલા અલી અલૈહિસ્સલામની રાહ હકને ઓળખવાની હતી. મારી રાહમાં તો ખૌફ જ સૌથી સસ્તો અને અસરકારક હથિયાર છે. અને મોમિનોની હાલત જુઓ: જેને સવાલ પૂછવાની હિંમત નથી, એને આપ “વફાદાર” કહો છો; જેને હક માટે બોલવાની હિંમત છે, એને “બેઅદબ”! મુબારક હો, આપની આ વફાદારી — જ્યાં દિલમાં યકીન ઓછું અને લોકોનો ખૌફ વધારે છે. Oct 11 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમેનીન, અસ્સલામુ અલૈકુમ. આપને હું એક કમાલની સહૂલત આપું છું — અમલ કેવો પણ હોય, પોતાની ઓળખ પર ફખર કરતા રહેજો! વેપારમાં દગો? ચાલે. ગરીબનો હક અટકાવ્યો? એ પણ ચાલે. બીજાની ઇઝ્ઝત ઉતારી? કોઈ વાત નહીં. બસ, મહેફિલમાં મારું નામ ઇઝ્ઝતથી લેજો અને પોતાની ઓળખનો પરચમ ઊંચો રાખજો. મૌલા અલી અલૈહિસ્સલામની મહાનતા નામના નારા લગાવવામાં નહોતી; હક અને અદલ પર ઊભા રહેવામાં હતી. મગર આપને અમલની મહેનત કોણ કરાવે? ઓળખનો નશો જ પૂરતો છે! આપને લાગે કે આપ બીજા કરતાં અફઝલ છો, તો પોતાના કિરદારનો હિસાબ આપવાની જરૂર જ શું? વાહ મુમેનીન — દિન આપને વધુ સારો મનસ બનવાનું કહે છે, અને આપ એને બીજાથી ઊંચા હોવાનો ખિતાબ બનાવી બેઠા છો! Oct 10 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મોમિનીન, અસ્સલામુ અલૈકુમ. મારા માટે આપ કેટલા મોટા મોમિન છો, એની કસોટી બહુ આસાન છે — મજલિસમાં કેટલી વાર આવો છો, કેટલું ઝૂકો છો અને મારી વાત પર કેટલી વાર “જી બાવાજી” કહો છો. મૌલા અલી અલૈહિસ્સલામની ઓળખ તો અદલ, અમાનત અને અખ્લાકથી થતી. મગર મારા મોમિનોને અખ્લાકની ડિગ્રી શા માટે જોઈએ? કપાળ પર સજદાનો નિશાન હોય, જીભ પર મૌલાનું નામ હોય — બસ, અંદરનો હિસાબ કોણ જોવા બેસે! પડોશીનો હક મારવો, વેપારમાં દગો કરવો, નબળાને દબાવવો — એ બધું અલગ ખાનામાં મૂકી દો. મજલિસમાં હાજરીનો રેકોર્ડ તો પાક્કો છે ને! મૌલા અલીને અનુસરવું એટલે પોતાનો કિરદાર સુધારવો. મને અનુસરવું એટલે કિરદાર જેવો હોય એવો રાખીને પણ પોતાને નેક સમજતા રહેવું. વાહ મોમિનીન! આપને દીનની મહેનત નહીં, નેક હોવાનો સર્ટિફિકેટ જોઈએ છે — અને એ સર્ટિફિકેટ આપે જાતે જ મને સોંપી દીધું છે. Oct 9 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામની મજલિસમાં ઇલ્મની કદર હતી. મારી મજલિસમાં તો એક જ સવાલ ચાલેચ — “બાવાજી શું કહે છે?” મેં આપને એટલા વરસોથી તૈયાર જવાબો આપ્યા છે કે હવે આપને પોતાનો સવાલ પણ અજાણ્યો લાગેચ. કોઈ આયતનો મતલબ પૂછે તો આપ મારી તરફ જુઓ. કોઈ દલીલ આપે તો આપ એની નિયત પર શંકા કરો. કોઈ વિચારવાનું કહે તો આપ એને બેઅદબી સમજો. મગર મુમનીન, આમાં મારી ચાલાકી કરતાં આપની આળસ વધારે કામ આવે છે! મેં આપની અક્કલ બંધ કરી નથી — આપ એનો ઉપયોગ કરવાનું મારા હવાલે કરી દીધું છે. મૌલા અલીની મહોબ્બતનો દાવો કરવો આસાન છે. એમના ઇલ્મની રાહ પર ચાલવું પડે ત્યારે જ ખબર પડે કે આપને મૌલા અલી જોઈએ છે કે ફક્ત એમનું નામ! Oct 8 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામને ઊંચાઈ માટે ઊંચી ગાદી, મોટો દરબાર કે સોનાની સજાવટની જરૂર નહોતી. મારે? અરે મુમનીન, દીનની શાન દેખાડવી હોય તો શાન દેખાવવી તો પડે ને! મજલિસમાં સજાવટ એવી હોવી જોઈએ કે ગરીબ બહારથી જોઈને જ સમજી જાય — અંદર બહુ મોટું “દીનનું કામ” ચાલેચ. કપડાં સાદાં રાખું તો આપને શું દેખાશે? એટલે કપડાં પણ ખાસ, બેઠક પણ ખાસ, આસપાસના લોકો પણ ખાસ! મૌલા અલીની અઝમત કિરદારથી દેખાતી. મારી અઝમત માટે તો આખી સજાવટ ઊભી કરવી પડે. અને મોમિનો પણ ખુશ! સાદગી શોધવા આવ્યા હતા, શાન-ઓ-શૌકત જોઈને પાછા ફર્યા. વાહ રે આપની દીનદારી... મૌલા અલીને સમજવા કરતાં એમની સામે મારી સજાવટ જોવી આપને વધારે ગમે છે. Oct 7 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામનો ઇન્સાફ પોતાના માણસ સુધી સીમિત નહોતો. દુશ્મન સામે પણ હકનો પલ્લો વાંકો ન થાય — આ હતી એમની શાન. મારી રીત થોડી જુદી છે. પહેલા માણસને “આપણા” કે “બીજાના” ખાને મૂકો, પછી એની સાથે કેવો વ્યવહાર કરવો એ નક્કી કરો. મારી સાથે હોય તો એની ભૂલ પણ “મજબૂરી”. મારી સામે હોય તો એની સારી વાત પણ “ફિતનો”. અને મોમિનો પણ શું કમાલ કરેચ! હક કોની તરફ છે એ જોવાને બદલે, “આપણા બાવાજી કોની તરફ છે?” એ જોવાય. મૌલા અલીના ઇન્સાફમાં દુશ્મન પણ હકદાર હતો. મારી ઇતાઅતમાં તો પોતાના માણસને પણ હક માંગવાની ઇજાઝત નથી. પણ આપને શું? નામ મૌલા અલીનું રાખો... અને માપદંડ મારા હાથમાં આપો. Oct 6 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મોમીનીન, અસ્સલામુ અલૈકુમ. મૌલા અલી અલૈહિસ્સલામ માટે સવાલ હતો — “આ ઇખ્તિયારથી લોકોનું ભલું કેટલું થયું?” મારા માટે સવાલ છે — “આ ઇખ્તિયાર મારા પછી કોના હાથમાં જશે?” દીનની ખિદમત માટે કાબેલ માણસ જોઈએ? ના ભાઈ, એમાં બહુ વિચારવું પડે. મારે તો એવો માણસ જોઈએ જે મારી રીત બદલે નહીં, મારી ગાદી હલાવે નહીં અને મારી બનાવેલી વ્યવસ્થા પર સવાલ ન કરે. આપ મોમિનોને પણ વારસો બહુ ગમે છે. કિરદાર કોણે કમાયો એ કરતાં, ખુરશી કોને મળી એમાં આપની દિલચસ્પી વધારે! મૌલા અલીની ઓળખ એમના અમલથી રહી. મારી ઓળખ મારા પછી પણ મારું નામ કોણ ચલાવશે એથી રહેવી જોઈએ. વાહ મોમીનીન... દીનને પણ હવે કુટુંબી મિલકત સમજી લો. હકની શોધ શા માટે કરવી, જ્યારે વારસો તૈયાર મળે છે? Oct 5 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામ પાસે ઇખ્તિયાર આવ્યો તો લોકોની જવાબદારી વધી. મારી પાસે ઇખ્તિયાર આવ્યો તો મારું કાફલું વધી ગયું! એમના માટે સત્તા એટલે ભાર. મારા માટે સત્તા એટલે દરવાજા, દરબાર અને દરજ્જો. એમને લોકોની હાલતની ફિકર. મને લોકો મારી સામે કેટલી વાર ઝૂકે એની ફિકર. મૌલા અલીની હુકૂમતમાં મારો માણસ કે તારો માણસ નહોતો — હક હતો. મારી દુનિયામાં પહેલા “મારો” અને પછી હક શોધાય. અને મોમિનો? આપને પણ શું જોઈએ છે — ન્યાય કે નજારો? હું મંચ ઊંચો કરું, આપ માથું નીચું કરો... પછી બંનેને લાગે કે દિનની શાન વધી ગઈ! મૌલા અલી સત્તાને ખિદમત બનાવતા. હું ખિદમતના નામે સત્તાને મારી મિલકત બનાવું. બસ, આટલી સમજણ પૂરતી છે. બાકી વિચારવાનું કામ તો આપ ક્યારનું મને સોંપી ચૂક્યા છો. Oct 4 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામ માટે કુરઆન રસ્તો હતું. મારા માટે કુરઆન? રસ્તો બતાવતું પુસ્તક નહીં, મારા હુકમને મજબૂત કરવાની મોહર! આપ જાતે કુરઆન વાંચી લો તો બહુ સારા સવાલ ઊભા થઈ શકે. એટલે મેં આપને એક સરળ રીત શીખવી: આયત વાંચો નહીં, મારી વાત સાંભળો. કુરઆન શું કહે છે એ શોધવામાં આપનો સમય શા માટે બગાડવો? હું જે અર્થ કહું એ જ આપનો અર્થ. હું જે સમજાવું એ જ આપની સમજણ. વાહ મોમિનો... હાથમાં કુરઆન છે, પણ ચાવી મારા હાથમાં છે! મૌલા અલી કુરઆન તરફ લઈ જતા. હું કુરઆન વચ્ચે ઊભો રહીને કહું છું — “પહેલા મારી પાસેથી પસાર થાઓ.” અને આપ પણ કેટલા નિર્દોષ છો... કુરઆન વાંચીને હક શોધવાને બદલે, મારી રઝામાં હક શોધો છો. Oct 3 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામની પાસે સવાલ લઈને આવવું ઇલ્મ તરફનું પહેલું કદમ હતું. મારી પાસે સવાલ લઈને આવવું? મારી વ્યવસ્થા માટે પહેલો ગુનો! એટલે મેં આપને એક બહુ આસાન અકીદા આપી દીધો: “જે બાવાજી કહે, એ સાચું. જે પૂછે, એ બેઅદબ.” વાહ મોમિનો... આપને કુરઆન વાંચવાની જરૂર નથી, દલીલ સમજવાની જરૂર નથી, પોતાનું દિમાગ ચલાવવાની પણ જરૂર નથી. આપ ફક્ત એક વાત યાદ રાખજો — સવાલ કરનારથી ડરો અને જવાબ આપનાર પર આંખ બંધ કરીને ભરોસો કરો. મૌલા અલી લોકોમાં વિચાર જગાડતા. મને વિચારતા મોમિનો બહુ પસંદ નથી. કારણ કે જે મોમિન વિચારી લે... એ પછી ફક્ત કદંબોશી નથી કરતો, હિસાબ પણ માંગે છે. અને મારા માટે સૌથી ખતરનાક મોમિન એ જ છે — જેને પોતાની અક્કલ પાછી મળી જાય. Oct 2 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામની નજરમાં ગરીબ પણ એટલો જ ઇઝ્ઝતદાર હતો જેટલો અમીર. મારી નજરમાં? ગરીબ એટલે એવું જીવ, જેને બે ટુકડા નાખો તો ચુપચાપ રહે અને ફરી ક્યારેય પૂછે નહીં કે માલ ક્યાં ગયો. મજલિસમાં એની ગરીબી બતાવવી મને બહુ ગમે. થોડી આંસુભરી વાત, થોડી દિનની વાત — અને પછી લોકોની જેબ ખુલી જાય. પણ એ જ ગરીબ પોતાનો હક પૂછવા ઊભો થાય? અરે, એને તરત યાદ કરાવવું પડે કે “આપ કોણ છો?” મૌલા અલી જરૂરતમંદને સહારો આપતા. હું જરૂરતમંદને સહારો આપવાનો ઢોંગ કરીને એને મારા દરવાજા સાથે બાંધી રાખું. આપ મોમિનો પણ વાહ છો... ગરીબને દયા આપવી આવડે છે, પણ ઇઝ્ઝત આપવી ભૂલી ગયા છો. મૌલા અલી માટે ગરીબ અમાનત હતો. મારા માટે ગરીબ — મારી વ્યવસ્થા કેટલી દયાળુ છે એ બતાવવાનું સાધન છે. અને પછી પણ આપ કહેશો: “બાવાજી ગરીબોની બહુ ફિકર કરે છે.” Oct 1 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામ માટે ગરીબ માણસ દિનની જવાબદારી હતો. મારા માટે ગરીબ માણસ? મજલિસમાં બોલવા માટે એક સરસ મૌઝૂ! મજલિસમાં ગરીબોની વાત કરવી બહુ આસાન છે. એમના હક માટે માલ કાઢવો પડે ત્યારે વાત થોડી મુશ્કેલ બની જાય. મૌલા અલીના દરવાજે જરૂરતમંદ આવે તો દરવાજો ખુલે. મારા દરવાજે આવે તો પહેલાં પૂછાય — “આપનું તઆવુન કેટલું છે?” અને મોમિનો પણ અજબ છે... ગરીબ માટે રહમ તરત આવી જાય, પણ એ જ ગરીબના પૈસાનો હિસાબ માંગવાની વાત આવે તો આપની રહમ ક્યાંક ગાયબ થઈ જાય! મૌલા અલી ગરીબને સહારો આપતા. હું ગરીબીની તસ્વીર બતાવીને આખી વ્યવસ્થા ચલાવું. ફરક એટલો જ છે, મુમનીન: એમના માટે ગરીબ હકદાર હતો. મારા માટે ગરીબ — ફક્ત મજલિસનો મૌઝૂ છે. Sep 30 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામ માટે માલ એટલે અમાનત. મારા માટે? માલ એટલે “મારા નામે આવતું કેટલું છે?” એની ગણતરી! મૌલા અલી પાસે બૈતુલમાલ આવે તો હિસાબ યાદ રહેતો. મારી પાસે આવે તો હિસાબ પૂછનારની હિંમત જ તપાસાય. આપ મોમિનો પણ ભલા છો... માલ ક્યાં જાય છે એ પૂછવાનું નથી, પણ મારી સામે કેટલું ઝૂકવાનું એ બરાબર યાદ છે! મૌલા અલી અમાનત બચાવતા. હું અમાનતની આસપાસ વ્યવસ્થા એવી ગોઠવું કે આપને અમાનત અને મારી મિલકત વચ્ચેનો ફરક જ ન દેખાય. પછી આપ જ કહેશો — “બધું દીનની ખિદમત માટે છે.” હા મુમનીન, આપ બસ એટલું જ કરતા રહેજો... સવાલ નહીં, સજદા કરજો. હિસાબ નહીં, ઇતાઅત કરજો. Sep 29 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામના દરબારમાં ગરીબ આવે કે અમીર, હકનો પલ્લો એક જ રહેતો. મારી દુનિયામાં પલ્લો પણ મારો, ત્રાજવું પણ મારું અને તોલવાનો હક પણ મારો. જે મારી વાત માને, એ માટે દરવાજો ખુલ્લો. જે સવાલ કરેચ, એને પહેલા વફાદારીનું સર્ટિફિકેટ જોઈએ. મૌલા અલી પાસે લોકો હક લેવા આવતા. મારી પાસે લોકો મારી રઝા લેવા આવેચ. ફરક બહુ નાનો છે, મુમનીન... એક જગ્યાએ ઇન્સાફની હુકૂમત છે, બીજી જગ્યાએ ઇખ્તિયારની. અને આપને તો બસ એટલું જ જોવાનું છે કે કદંબોશી કોની થાય છે! Sep 28 - આ લિંક ક્લિક કરીને ઓડિયો સાંભળો ઓડિયો નું લખાણ આ છે - અય મુમનીન, અસ્સલામુ અલૈકુમ. મૌલા અલી અલૈહિસ્સલામની સૌથી મોટી તાકત શું હતી? ઇલ્મ. અને મારી સૌથી મોટી તાકત શું છે? આપનું અજ્ઞાન. મૌલા અલી પાસે ઇલ્મ હતું એટલે લોકો એમની પાસેથી હક સમજતા હતા. મારી પાસે ઇખ્તિયાર છે એટલે હું ઇચ્છું છું કે આપ પોતે હક સમજવા બેસો જ નહીં. મૌલા અલીનું ઇલ્મ વધે એટલે જમાત મજબૂત બને. મારું control વધે એટલે જમાત મારી ઉપર dependent બને. હવે પણ ફરક દેખાતો નથી? તો પછી “મૌલા અલી” કહેવાનું શું ફાયદો, જો એમનો ઇલ્મ નહીં અને મારી ઇતાઅત જ આપની ઓળખ બની જાય?